Справаздача аб правядзенні мерапрыемстваў

20 красавіка ў рамках акцыі “Міншчына спартыўная. Вясна” навучэнцы школы прынялі ўдзел у агульнашкольным вясновым лёгкаатлетычным кросе. Бег - гэта выдатны, самы даступны сродак аздараўлення і развіцця жыццёва важных якасцяў чалавека: вынослівасці, хуткасці. Для заняткаў бегам не патрабуецца асобых умоў і прыстасаванняў, галоўнае - жаданне бегаць. Таму праведзенае мерапрыемства зарадзіла рабят станоўчай энергіяй і настроіла на заняткі спортам.

13 красавіка ў межах акцыі “Міншчына спартыўная. Вясна» навучэнцы школы прынялі ўдзел у спартыўных стартах «Рухайся больш». Падчас мерапрыемства рабяты вырашалі гульнявыя задачы і выконвалі займальныя заданні, што ў сваю чаргу садзейнічала замацаванню асноўных правіл здаровага ладу жыцця, прафілактыцы шкодных звычак.

6 красавіка ў рамках акцыі “Міншчына спартыўная. Вясна» навучэнцы 1-4 класаў прынялі ўдзел у спартыўна-гульнявой праграме «Фізкульт - УРА!» Мерапрыемства было праведзена сумесна з Галынкаўскім СДК. Асноўная мэта гульнявой праграмы - папулярызацыя актыўнага адпачынку, прыцягненне дзяцей да заняткаў фізічнай культурай і спортам. Удзельнічаючы ў розных конкурсах і эстафетах, рабяты праявілі свой спрыт, вынослівасць, спартыўны запал і жаданне дабіцца перамогі для сваёй каманды.

30 сакавіка ў рамках праекта «Міншчына спартыўная. Вясна» навучэнцы школы гулялі ў рухомыя гульні на свежым паветры. У ходзе гульні рабяты вырашалі гульнявыя задачы і выконвалі забаўляльныя заданні, а гэта ў сваю чаргу садзейнічала замацаванню асноўных правіл здаровага ладу жыцця, прафілактыцы шкодных звычак.

23 сакавіка ў рамках акцыі “Міншчына спартыўная. Вясна» навучэнцы школы прынялі ўдзел у спартыўным спаборніцтве «Патрап у мэту». Асноўная мэта мерапрыемства - развіццё трапнасці, спрыту, каардынацыі руху. Удзельнікі імкнуліся набраць як мага большую колькасць ачкоў і выйграць.

16 сакавіка ў рамках акцыі “Міншчына спартыўная. Вясна» для навучэнцаў школы адбыўся спартыўны дыялог па гульні ў баскетбол «Тут кожны першы». Дзеці паказалі выдатную хуткасць перамяшчэння па пляцоўцы, добрую рэакцыю, каардынацыю руху ног, рук, дакладнасць кідка мяча. Рабяты не толькі зарадзіліся станоўчымі эмоцыямі, але і вучыліся прадумваць тактыку нападу або абароны, быць сабраным у патрэбную хвіліну і спакойна рэагаваць на паражэнне.

09.03 у рамках акцыі «Міншчына спартыўная. Вясна» ва ўстанове адукацыі прайшла конкурсная праграма «А ну-ка, дзяўчынкі!», у якой прынялі ўдзел дзве зборныя каманды дзяўчынак 1-10 класаў «Рамонкі» і «Незабудкі». Усе ўдзельнікі паказалі сябе спрытнымі, моцнымі, мэтанакіраванымі. Вясёлыя эстафеты былі падтрыманы балельшчыкамі абедзвюх каманд. Усе атрымалі вялікі зарад энергіі, бадзёрасці, добрага вясновага святочнага настрою.

2 сакавіка ў рамках акцыі “Міншчына спартыўная. Вясна» навучэнцы школы прынялі ўдзел у спартыўным батле «Дружба пачынаецца са спорту». У ходзе мерапрыемства рабяты вырашалі гульнявыя задачы і выконвалі займальныя заданні, што ў сваю чаргу садзейнічала замацаванню асноўных правіл здаровага ладу жыцця, прафілактыцы шкодных звычак.

17 лютага ў рамках акцыі “Міншчына спартыўная. Зіма» навучэнцы школы актыўна правялі час, гуляючы ў рухомыя гульні. Гульні дазволілі дзецям скінуць назапашаную за тыдзень энергію, дапамаглі ўмацаваць здароўе. І, самае галоўнае, падчас мерапрыемства школьнікі ўдасканальвалі рухі, развівалі такія якасці, як хуткасць, сіла, спрыт.

10 лютага ў рамках акцыі “Міншчына спартыўная. Зіма» для навучэнцаў школы прайшоў спартыўна-гульнявы калейдаскоп «Зімовы БУМ». Усе ўдзельнікі мерапрыемства атрымалі зарад бадзёрасці, аптымізму, паказалі сваю шпаркасць, праявілі кемлівасць і спрыт, а таксама зарадзіліся спартыўнай энергіяй на наступны тыдзень.

3 лютага ў рамках акцыі “Міншчына спартыўная. Зіма» навучэнцы школы прынялі ўдзел у спартыўным квэсце «Мы за ЗЛЖ», арганізаваным сумесна з Галынкаўскім СДК. Галоўная мэта мерапрыемства - пашырыць уяўленне дзяцей аб здаровым ладзе жыцця, садзейнічаць фарміраванню станоўчых адносін да здароўя, заняткаў фізічнай культурай і спортам. Школьнікі выконвалі разнастайныя заданні па станцыях "Мы - каманда", "Смачна і карысна!", "Вышэй, хутчэй, мацней", "Спартыўная", "Правілы Айбаліта", "Турыстычная".

З мэтай умацавання здароўя, прапаганды здаровага ладу жыцця, павышэння цікавасці да зімовых відаў спорту 27 студзеня ў рамках акцыі “Міншчына спартыўная. Зіма» навучэнцы школы з задавальненнем прынялі ўдзел у спартыўным мерапрыемстве «Лыжныя старты». Спаборніцтвы падарылі яркія эмоцыі і бадзёры зарад энергіі для навучэнцаў на наступны тыдзень.

20 студзеня ў рамках акцыі “Міншчына спартыўная. Зіма» для навучэнцаў школы прайшоў гульнявы квэст «Зімовыя забавы». Галоўная мэта мерапрыемства - далучэнне дзяцей да здаровага ладу жыцця з дапамогай гульнявых заданняў і рухаў на свежым паветры. Выдатнае зімовае надвор'е, станоўчыя эмоцыі, цікавасць да зімовых гульняў - забаў сталі цудоўным падарункам для школьнікаў.

13 студзеня ў рамках акцыі “Міншчына спартыўная. Зіма» навучэнцы школы сабраліся на калядную сустрэчу па хакею. Дадзеная гульня дапамагае развіваць спрыт, каардынацыю і рэакцыю, а таксама хуткасць мыслення. Матч атрымаўся цікавым, вясёлым і актыўным.

6 студзеня ў рамках акцыі “Міншчына спартыўная. Зіма» прайшлі рухомыя гульні «Вясёлы мяч», асноўная мэта якіх - далучыць дзяцей да заняткаў спортам, згуртаванне калектыву, развіццё фізічнай актыўнасці, прапаганда ЗЛЖ.

30 снежня ў рамках акцыі «Міншчына спартыўная. Зіма» навучэнцы школы прынялі ўдзел у спартыўным квэсце «Мы за ЗЛЖ», галоўная мэта якога - прапаганда і папулярызацыя здаровага ладу жыцця, стварэнне ўмоў для актыўнага адпачынку. Навучэнцы праз разнастайныя практыкаванні развівалі вынослівасць, хуткасць рэакцыі, спрыт, каардынацыю рухаў, бег, уменне ў кіданні мяча, скачкі праз скакалку.

23 снежня ў рамках акцыі “Міншчына спартыўная. Зіма» прайшлі вясёлыя старты «Зімовы марафон». Мэта мерапрыемства – далучэнне школьнікаў да заняткаў фізічнай культурай і спортам, прапаганда здаровага ладу жыцця і папулярызацыя зімовых відаў спорту. Рабяты спаборнічалі ў хуткасці ў конкурсе «Уборка снега», у спрыту валодання клюшкай у эстафеце «Хакей», траплялі ў мішэнь снежкамі, дружна перадавалі «снежны камяк», спрытна пераадольвалі «снежны тунэль».

16 снежня ў рамках акцыі “Міншчына спартыўная. Зіма» прайшоў фестываль здароўя «Спартыўнаму руху - наша павага», а ў яго рамках гульня ў хакей з мячом на снезе. Удзельнікамі сталі навучэнцы 6-9 класаў. Барацьба была напружанай, але перамагло як заўсёды сяброўства. Такія мерапрыемствы не толькі развіваюць фізічную форму, але і гуртуюць усіх удзельнікаў, дораць незабыўныя эмоцыі.

Забавы на свежым паветры зімой дастаўляюць дзецям вялікую радасць і прыносяць неацэнную карысць іх здароўю. Як шмат зімовых забаў: катанне на каньках, санках, лыжах, гульні ў снежкі! 9 снежня ў рамках акцыі “Міншчына спартыўная. Зіма» навучэнцы школы прынялі ўдзел у лыжным квэсце «Мы за здаровую краіну». Рабяты выдатна правялі час, адпрацавалі розныя тэхнікі хадзьбы на лыжах.

2 снежня ў рамках акцыі «Міншчына спартыўная. Зіма» навучэнцы школы выдатна правялі час, гуляючы ў рухомыя гульні на свежым паветры. Дзеці з вялікім задавальненнем удзельнічалі у конкурсах, дэманстравалі свой спрыт у кіданні снежкаў. Хлапчукі і дзяўчынкі правялі час весела і з карысцю, а таксама атрымалі зарад дадатных эмоцый і выдатнага настрою.

Фізічная актыўнасць - гэта аснова здаровага жыцця. Для нармальнага функцыянавання нашаму арганізму патрэбны энергія і здароўе, сіла. У гэтым і пераканаліся навучэнцы нашай школы, для якіх 25 лістапада ў рамках акцыі «Міншчына спартыўная» прайшла гадзіна здароўя «Энергія руху». У ходзе мерапрыемства рабяты вырашалі гульнявыя задачы і выконвалі заданні, што ў сваю чаргу садзейнічала замацаванню асноўных правіл здаровага ладу жыцця, прафілактыцы шкодных звычак.

Піянербол - спартыўная камандная гульня з мячом, вельмі займальная рухомая. Яна адрозніваецца высокім аздараўленчым эфектам: трэба хутка бегаць, высока скакаць, валодаць сілай перакінуць мяч. У гэтым і пераканаліся навучэнцы 6-7 класаў, якія 18 лістапада ў рамках акцыі “Міншчына спартыўная. Восень» прынялі ўдзел у спаборніцтвах па піянерболе. Удзельнікі спаборніцтваў смела лавілі вельмі складаныя падачы, выконвалі перадачы. Па выніках гульні перамагла зборная каманда навучэнцаў «Чэмпіён».

Рухомыя гульні на свежым паветры - адзін з самых выдатных спосабаў для дзяцей развіць сваю рухальную актыўнасць, каардынацыю рухаў, спрыт, цягавітасць. Асноўная мэта такіх мерапрыемстваў - умацаванне здароўя, павышэнне цікавасці да заняткаў фізічнай культурай і спортам. 11 лістапада ў рмках акцыі “Міншчына спартыўная. Восень» для навучэнцаў школы прайшла гадзіна здароўя «Мы выбіраем ЗЛЖ». Дзеці цікава і з карысцю правялі час, зарадзіліся станоўчымі эмоцыямі.

Шашкі - традыцыйная гульня, якая вучыць думаць над хадамі, аналізаваць дзеянне суперніка. Гэта спаборніцтвы стратэгій, як інтэлектуальных, так і асобасных. Мерапрыемства праведзена як з мэтай папулярызацыі гульні, і як сродак інтэлектуальнага развіцця навучэнцаў. 28 кастрычніка ў рамках праекта «Міншчына спартыўная. Восень» навучэнцы школы прынялі ўдзел у шашачным турніры “Белыя супраць чорных”.

21 кастрычніка ў рамках праекту «Міншчына спартыўная. Восень» навучэнцы школы прынялі ўдзел у конкурсе «Залатая скакалка». Скакалка - адзін з самых любімых і даступных дзецям спартыўных снарадаў. Скачкі на ім - выдатнае фізічнае практыкаванне. Яны развіваюць цягавітасць, да таго ж скакаць на скакалцы і гуляць з ёй у розныя гульні весела і прыкольна! У гэтым упэўніліся нашы юныя спартсмены. Кожны з хлопцаў меў магчымасць прадэманстраваць сваё майстэрства і спрыт.

14 кастрычніка ў рамках акцыі “Міншчына спартыўная. Восень» навучэнцы школы прынялі ўдзел у спартландыі «За здароўем разам з мамай», прымеркаванай да Дня маці. У спартландыі прынялі ўдзел не толькі маці, але і таты. Удзельнікі каманд "Непераможныя" і "Агонь" спаборнічалі ў конкурсах "Лістапад", "Збяры ўраджай", "Рэпка", "Восеньскі букет", "Восеньскія вячоркі" і інш. Перамагло сяброўства, што яшчэ раз пацвердзіла галоўную ідэю мерапрыемства: праз спорт - да ўзаемаразумення! Усе ўдзельнікі атрымалі салодкія прызы і граматы.

7 кастрычніка ў рамках акцыі “Міншчына спартыўная. Восень» для навучэнцаў школы прайшла спартландыя “Спорт любіць - моцным і здаровым быць”. Спорт - гэта здароўе, а здароўе - самае дарагое, што ёсць у чалавека. У гэтым і пераканаліся рабяты, прымаючы ўдзел у самых разнастайных конкурсах "Самы хуткі", "Самы спрытны", "Самы дужы", "Самы трапны" і інш. Усе ўдзельнікі каманд паказалі свой спрыт, сілу, хуткасць, цікава і з карысцю правялі час .

30 верасня 2023 года ў рамках праекту «Міншчына спартыўная. Восень» навучэнцы школы прынялі ўдзел у восеньскім лёгкаатлетычным кросе «Усе - на старт!» У час спаборніцтваў сярод яго ўдзельнікаў адчувалася атмасфера здаровага саперніцтва і спартыўнага азарту. Усе рабяты атрымалі не толькі зарад бадзёрасці, але і пазітыву.

23 верасня ў рамках акцыі “Міншчына спартыўная. Восень» навучэнцы школы прынялі ўдзел у вясёлых стартах «Здаровы я-здаровая сям'я», галоўнай мэтай якіх было ўмацаванне здароўя школьнікаў, павышэнне цікавасці да заняткаў фізкультурай і спортам.

У рамках мерапрыемстваў, прымеркаваных да Дня народнага адзінства і ў рамках акцыі “Міншчына спартыўная. Восень” 16 верасня навучэнцы школы сумесна з Галынкаўскім сельвыканкамам, СДК прынялі ўдзел у велапрабегу «Маршрутамі памяці. Маршрутамі адзінства». Асноўная мэта дадзенага мерапрыемства - фарміраванне грамадзянскасці і патрыятызму, нацыянальнай самасвядомасці. Удзельнікі велапрабегу зрабілі прыпынкі каля брацкай магілы ў аг. Галынка, памятнага знака на месцы, дзе чакалі салдат, якія не вярнуліся з войн 1905-1907 і 1914-1918гг. у Галынцы, ушанавалі памяць загінуўшых хвілінай маўчання.

Вырасці здаровым і моцным дапамагае спорт. Кожная хвіліна заняткаў спортам падаўжае жыццё чалавека на цэлую гадзіну, а вясёлыя спартыўныя спаборніцтвы карысныя ўдвая, бо рухомыя гульні дораць масу станоўчых эмоцый, як дзецям, так і дарослым. У гэтым і пераканаліся рабяты нашай школы, прыняўшы ўдзел у спартыўных спаборніцтвах «Здаровы я - здаровая краіна», якія прайшлі 9 верасня ў рамках акцыі «Міншчына спартыўная. Восень».

2 верасня ў рамках акцыі “Міншчына спартыўная. Восень” навучэнцы школы прынялі ўдзел у спартыўнай эстафеце “Сустракаем навучальны год”. Рабяты спаборнічалі ў эстафетах з мячом, абручом, скакалкай. Усе атрымалі зарад бадзёрасці, аптымізму, паказалі сваю шпаркасць, праявілі кемлівасць і спрыт, а таксама зарадзіліся спартыўнай энергіяй на наступны тыдзень.