Ваенна-патрыятычнае выхаванне

7 красавіка ў рамках духоўна-маральнага выхавання навучэнцы школы наведалі святочнае богаслужэнне ў царкве святых апосталаў Пятра і Паўла аг. Галынка ў гонар аднаго з галоўных свят у праваслаўным календары - Дабравешчання Прасвятой Багародзіцы. Іерэй Віталь Ільіч Апончык расказаў дзецям пра значэнне свята, яго традыцыі, пажадаў усім дапамогі Божай у працы і вучобе, новых ідэй і іх рэалізацыі, заклікаў усіх жыць у міры, любіць сваю Радзіму.

7 красавіка ў рамках Года міру і стварэння навучэнцы школы наведалі з экскурсіяй Дзяржаўны мемарыяльны комплекс «Хатынь». Падчас экскурсіі школьнікі яшчэ раз пераканаліся ў тым, што трагедыя Хатыні і тысяч вёсак і гарадоў з такім жа лёсам - няўцешны боль у сэрцах беларусаў і ўсіх савецкіх людзей, якія загінулі ў гады Вялікай Айчыннай вайны. Хатынь - не проста мемарыял. Хатынь прымушае нас памятаць, што самае дарагое на Зямлі – мір.

У рамках рэспубліканскага пілотнага праекта «Адзіны дзень бясплатнага наведвання музеяў» навучэнцы школы адправіліся на экскурсію ў Нацыянальны гісторыка-культурны музей-запаведнік «Нясвіж». Унікальны помнік архітэктуры, самая папулярная славутасць краіны ўразіла рабят сваёй веліччу, гісторыяй, легендамі.

З мэтай фарміравання грамадзянскасці, патрыятызму, любові да сваёй малой Радзімы 29 кастрычніка ў рамках праекту “Міншчына спартыўная. Восень» навучэнцы школы сабраліся разам, каб прыняць удзел у велапрабегу «Па дарогах малой радзімы». Дзеці не толькі праехалі па знаёмых вулачках роднага аграгарадка, зрабілі прыпынкі ў найбольш значных мясцінах, але і ўспомнілі гісторыю сваіх родных мясцін.

У рамках Года гістарычнай памяці 28 кастрычніка вучні нашай школы адправіліся ў турыстычную экскурсію на мемарыяльны комплекс “Курган славы”.

Падчас экскурсіі рабяты даведаліся аб гістарычнай значнасці стратэгічнай наступальнай аперацыі «Баграціён», аб подзвігу савецкага народа, аб лёсе мемарыяла, у якім адлюстравалася гісторыя беларускага народа на рубяжы стагоддзяў. Экскурсія пакінула ў сэрцах школьнікаў незабыўныя ўражанні, бо наведаць гэта месца - значыць аддаць даніну памяці кожнаму трэцяму беларусу, які загінуў у той вайне і кожны з нас можа зрабіць гэта.

Патрыятычны праект «Цягнік Памяці»

19-20 верасня 2022 года навучэнцы 6-9 класаў Галынкаўскага дзіцячага сада - сярэдняй школы Клецкага раёна далучыліся да онлайн - фотавыставы патрыятычнага праекта «Цягнік Памяці». Рабяты пазнаёміліся з фотаматэрыяламі праекта, даведаліся пра дванаццацідзённы маршрут маладых людзей з Беларусі і Расіі, які стаў для іх незабыўным урокам гісторыі.

17 верасня 2022 года ў рамках акцыі “Міншчына спартыўная. Восень» і ў рамках мерапрыемстваў, прымеркаваных да Дня народнага адзінства, навучэнцы школы прынялі ўдзел у велапрабегу «Маршрутамі памяці. Маршрутамі адзінства». Асноўная мэта дадзенага мерапрыемства - фарміраванне грамадзянскасці і патрыятызму, нацыянальнай самасвядомасці. Удзельнікі велапрабегу зрабілі прыпынкі каля брацкай магілы ў аг. Галынка, памятнага знака на месцы, дзе чакалі салдат, якія не вярнуліся з войн 1905 і 1914 гадоў у Галынцы, помніка ў в.Машукі на месцы разгромленай немцамі царквы, ушанавалі памяць загінуўшых хвілінай маўчання.

Абласная акцыя «Лета патрыётаў»

У Год гістарычнай памяці ў рамках абласной акцыі «Лета патрыётаў» навучэнцы школы добраўпарадкавалі тэрыторыю ля помніка загінуўшым землякам у аг. Карацк, усклалі кветкі і хвілінай маўчання ўшанавалі памяць загінуўшых у гады Вялікай Айчыннай вайны. Ніхто не забыты, нішто не забыта!

7 чэрвеня вучні школы  наведалі– першы ў свеце музей гісторыі Вялікай Айчыннай вайны і адзіны ў Беларусі, створаны ў гады фашысцкай акупацыі.

З аповеда экскурсавода школьнікі дазналіся, што калекцыя музея была заснавана яшчэ ў чэрвені 1942 года, калі ніхто не мог сказаць, колькі часу будзе працягвацца гэта трагедыя.

Падлеткаў уразілі экспазіцыі ўзбраення партызан, ваеннай тэхнікі, франтавой прэсы, антыфашысцкай падпольнай барацьбы, амуніцыі салдат і іншыя. Дзякуючы сучасным тэхналогіям, на шырокіх плазменных экранах вучні праглядзелі кадры ваеннай кінахронікі, адчулі подых мінулай эпохі…

Ніхто і ніколі не зможа дакладна падлічыць, колькі беларусаў палегла на выпаленых сонцам палях, на ваенных дарогах і ў шматлікіх лагерах смерці. 77 год мінула з дня пераможнага завяршэння вайны, але яна і сёння жыве ў сэрцах пакаленняў, у памяці народнай.

9 мая – дзень нашага гонару, нашай велічы, мужнасці і адвагі. Дзень нашай памяці, год гістарычнай памяці. Як гэта сімвалічна, асабліва сёння, калі так патрэбен мір. Мы ў вечным абавязку перад тымі, хто, калісьці падарыў нам гэтыя МІР, ВЯСНУ, ЖЫЦЦЁ. Напярэдадні 77-й гадавіны Вялікай Перамогі навучэнцы, выхаванцы дашкольнай групы, педагогі школы прынялі ўдзел ва ўрачыстым мітынгу - рэквіеме «Успомнім тых, хто пайшоў, не развітваючыся»  і святочным канцэрце «Яны прайшлі па той вайне». У рамках мерапрыемстваў прысутныя ўшанавалі памяць усіх, чый вялікі подзвіг у гады Вялікай Айчыннай вайны падарыў нам сёння незалежнасць. Пакуль мы будзем памятаць пра гэту вайну - мы будзем жыць, будзе жыць наша Радзіма.

5 мая напярэдадні 77-й гадавіны Вялікай Перамогі, актывісты ПА ГА «БРСМ» і ГА «БРПА» нашай школы далучыліся да патрыятычнай акцыі «Беларусь памятае. Ніхто не забыты, нішто не забыта» і навялі парадак каля помніка загінуўшым землякам у аг. Карацк і брацкай магілы ў аг.Галынка.

28 красавіка для навучэнцаў 9,11 класаў прайшоў урок Памяці «Нам гэты свет наканавана берагчы».

У ходзе дыялогу з навучэнцамі выдзелены асноўныя значныя падзеі Вялікай Айчыннай вайны і важкі ўклад беларускага народа ў Перамогу. Распавядаючы аб падзеях вайны, аб подзвігу салдат, партызан і падпольшчыкаў, аб тых, хто быў сагнаны ў фашысцкае рабства, закатаваны ў гета і канцлагерах, рабяты разважалі аб гераічнай спадчыне народа, як неабходнаму складніку гістарычнай памяці, якая, у сваю чаргу, заклікае да адказнасці за мір на Зямлі, аб важнасці захавання паважлівага стаўлення да мінулага.

26 красавіка для навучэнцаў 5-6 класаў прайшоў урок Памяці «Нам гэты свет наканавана берагчы». Рабяты гаварылі пра гераічную спадчыну як найважнейшы складнік гістарычнай памяці, пра генацыд беларускага народа, пра паважлівыя адносіны да гістарычнага мінулага. Госцем мерапрыемства стаў ляснічы Галынкаўскага лясніцтва ДЛГУ «Клецкі лясгас» Мелехавец А.У. Анатоль Уладзіміравіч расказаў аб развіцці партызанскага руху на тэрыторыі раёна, аб дзейнасці ў Машукоўскім лесе спецатрада «Сокалы» пад кіраўніцтвам Героя Савецкага Саюза Арлоўскага К.П.

З 20 па 29 красавіка 2022 года ва ўстановах адукацыі праходзіць дэкада грамадска-патрыятычных спраў «Чарнобыль - наш боль і памяць».

На працягу дэкады для вучняў 1-2, 4-9,11 класаў праведзены класныя і інфармацыйныя гадзіны, прысвечаныя 36-годдзю з дня аварыі на ЧАЭС.

25 красавіка класны кіраўнік 11 класа Канапацкая Дз.С. запрасіла рабят 9,11 класаў на віртуальную экскурсію ў горад Прыпяць. З дакументальнага фільма вучні даведаліся, што сталася з горадам-зданню за 36 гадоў.

22 сакавіка 2022 года для навучэнцаў I–XI класаў устаноў агульнай сярэдняй адукацыі прайшоў адзіны ўрок «Пра што звоняць званы Хатыні?», прысвечаны 79-й гадавіне трагедыі ў Хатыні.

Трагедыя Хатыні і тысяч вёсак і гарадоў з такім жа лёсам – гэта несуцішальны боль у сэрцы беларусаў, усіх савецкіх людзей. Навучэнцы падчас адзінага ўрока ўспомнілі і ўшанавалі хвілінай маўчання ўсіх загінуўшых у гады Вялікай Айчыннай вайны.

Гістарычная памяць - адно з важных набыткаў цывілізацыі. Пакуль мы будзем памятаць мінулае, наша грамадства будзе мець магчымасць развівацца і ўдасканальвацца.

Дзень паэзіі

19.03.2022

19 сакавіка ў школе прайшоў Дзень паэзіі, а ў яго рамках – конкурс чытачоў “Любімыя радкі ў дзень паэзіі”. Мерапрыемства прымеркавана да Сусветнага дня паэзіі, які штогод адзначаецца 21 сакавіка. Класны кіраўнік 8 класа Булат Зоя Аляксееўна расказала навучэнцам пра гісторыю і традыцыі свята, звярнула ўвагу на тое, што на працягу ўсёй гісторыі паэзія была неад'емнай часткай грамадства, выражэннем нашай агульнай чалавечнасці і агульных каштоўнасцей, і прапанавала ўдзельнікам мерапрыемства прачытаць вершы беларускіх паэтаў аб роднай краіне. Рабяты чыталі творы нашых класікаў Я.Коласа і Я.Купалы, М.Багдановіча і М.Танка, М.Гілевіча і В.Караткевіча, вершы паэтаў Клеччыны В.Худаўца, Т.Цвіркі, Л.Мялешкі.

18 сакавіка 2022 года для вучняў 5-6 класаў прайшла інтэлектуальная гульня 

“Жыву ў Беларусі і тым ганаруся”, мэтай якой было дапамагчы вучням у вывучэнні гісторыка-культурнай спадчыны роднай краіны і яе сучасных дасягненняў; фарміраваць паважлівыя адносіны да сваёй Айчыны, выхоўваць пачуццё гонару і глыбокай павагі да нацыянальных традыцый, звычаяў, культуры. Рабяты ў чарговы гаварылі пра нашу Айчыну, нашу родную краіну – Рэспубліку Беларусь. У гульні удзельнічалі 2 каманды вучняў. Кожная каманда мела сваю назву, звязаную з тэмай інтэлектуальна – пазнавальнай гульні і па чарзе выбірала намінацыю з прапанаваных на экране “Дзяржава і яе сімвалы”, “Зямля Беларусі – краіна герояў”, “Культурная спадчына”, “Каменны летапіс”, “Зямля пад белымі крыламі”, “Песняры”, “У свеце народных традыцый”, “Крок у будучыню” і адпаведнае пытанне з азначанай колькасцю балаў.  

15 сакавіка – Дзень Канстытуцыі Рэспублікі Беларусь

Сёння, 15 сакавіка, у нашай краіне святкуецца Дзень Канстытуцыі Рэспублікі Беларусь. Асноўны Закон беларускай дзяржавы быў прыняты ў 1994 годзе на 13-й сесіі Вярхоўнага Савета 12-га склікання. У якасці дзяржаўнага гэта свята вызначана ўказам Прэзідэнта Беларусі ў 1998 годзе.

Канстытуцыя Рэспублікі Беларусь з'яўляецца ядром прававой сістэмы краіны, а таксама замацоўвае духоўныя традыцыі і каштоўнасці дзяржавы.

У гэтым годзе Дзень Канстытуцыі - гэта асаблівы дзень для нашай краіны. Уступілі ў сілу прынятыя на рэспубліканскім рэферэндуме канстытуцыйныя змяненні. Мы, беларусы, зрабілі свой выбар на карысць мірнага і стваральнага развіцця нашай Айчыны. У нашай установе прайшлі інфармацыйныя гадзіны, прымеркаваныя да гэтай даты.

Спартыўнае свята да Дня абаронца Айчыны “Защитником Родины быть я готов!”

23 лютага – свята мужнасці і патрыятызму. Гэта свята, якое стала ў нашай краіне дзяржаўным, сведчыць аб велізарнай значнасці Узброеных Сіл, аб нязменнасці маральных каштоўнасцяў, сярод якіх галоўнымі застаюцца патрыятызм, гераізм, любоў да Радзімы і гатоўнасць абараняць яе інтарэсы.

У нашай школе ўжо стала добрай традыцыяй у гэты дзень праводзіць спартыўнае мерапрыемства для хлопчыкаў – будучых абаронцаў Айчыны. Вось і сёння вучні 5-11 класаў прынялі ўдзел у спартыўным свяце “Защитником Родины быть я готов!” У мерапрыемстве спаборнічалі дзве каманды “Фарсаж” і “Патрыёт”. Рабяты адказвалі на пытанні краязнаўчай віктарыны, удзельнічалі ў конкурсах “Разведчыкі”, “Снайперы”, паказалі свае ўменні ў падняцці штангі, падцягванні, перацягванні каната, веданні вайсковых званняў і інш. Ва ўпартай барацьбе перамагла каманда “Патрыёт”.

19 лютага ў рамках праекту «Міншчына спартыўная. Зіма» для навучэнцаў 9,11 класаў прайшлі спаборніцтвы па зімовым мнагабор’і «Абаронца Айчыны». Рабяты спаборнічалі ў падцягванні, перацягванні каната, падняцці штангі, адцісканні, стральбе з пнеўматычнай вінтоўкі. У вострай і напружанай барацьбе юнакі прадэманстравалі вытрымку і волю да перамогі.

Пераможцам у асабістым заліку стаў вучань 11 класа Дрозд Андрэй, у камандным-навучэнцы 11 класа.

19 лютага ў школе прайшоў Дзень роднай мовы. Навучэнцы 4 - 6 класаў прынялі ўдзел у аўкцыёне ведаў “Славутыя імёны Бацькаўшчыны”. Мэтай гэтага мерапрыемства было падагульніць, пашырыць і сістэматызаваць веды вучняў пра славутых людзей айчыннай гісторыі, а таксама развіваць уменне лагічна мысліць, рабіць параўнанні, вывады, падагульненні, развіваць памяць, вобразнае мысленне, кемлівасць, знаходлівасць. Хацелася абудзіць у падлеткаў пачуццё нацыянальнай і чалавечай годнасці, цікавасць да гісторыі Беларусі, яе культурнай спадчыны, любоў да роднай зямлі.

Навучэнцы 7-9 класаў сабраліся ў музейнай экспазіцыі “Беларуская хатка” на турнір знаўцаў “Каласы роднай мовы”. Адказваючы на ​​пытанні турніру, рабяты пераканаліся, як жылі нашыя продкі, якія рэчы выкарыстоўвалі ў побыце, называлі іх, давалі значэнне або тлумачылі, для чаго выкарыстоўвалі беларусы «куфар», «кросны», «прас», «збан», «серп», «ручнік», падбіралі беларускія эквіваленты рускім словам, разгадвалі загадкі «беларускай хаткі».

17 лютага - важная падзея ў гісторыі партызанскага руху Беларусі. У гэты дзень у 1943 годзе трынаццаць байцоў партызанскага атрада «Сокалы» пад кіраўніцтвам Героя Савецкага Саюза Кірыла Пракаповіча Арлоўскага знішчылі высокапастаўленых фашыстаў, якія прыбылі на паляванне ў Машукоўскі лес.

У рамках Года гістарычнай памяці і ў рамках інфармацыйна-адукацыйнага праекта «Школа Актыўнага Грамадзяніна» навучэнцы школы сёння сабраліся ва ўрочышчы Раскоп, каб адзначыць чарговую 79-ю гадавіну слаўнага бою.

15 лютага ў рамках рэспубліканскай дэкады «Афганістан у лёсе маіх землякоў» і ў рамках мерапрыемстваў, прымеркаваных да 33-й гадавіны вываду савецкіх войскаў з Афганістана, валанцёры атрада «Добрае сэрца» Галынкаўскага дзіцячага сада- сярэдняй школы ўсклалі кветкі да помніка воіна-інтэрнацыяналиста Сапліцкага Г.У. і навялі парадак на прылеглай тэрыторыі.

8 лютага ў нашай установе адукацыі прайшла ўрачыстая лінейка памяці, прысвечаная Дню юнага героя- антыфашыста “Аб подзвігах юных”.

Піянеры яшчэ раз успомнілі, што 8 лютага – гэта Дзень памяці юных хлапчукоў і дзяўчынак усіх краін, хто змагаўся і паміраў за свабоду, роўнасць і шчасце людзей. Успомнілі пра тое, як яны бясстрашна і ганарліва ступілі ў зарыва вайны, у грукат кананады, ступілі і не вярнуліся. школьнікі нагадалі гераічныя біяграфіі дзяцей, якім было прысвоена высокае званне Героя Савецкага Саюза.

15 студзеня навучэнцы школы прынялі ўдзел у спартыўным свяце «Мы за здаровую Беларусь». Рабяты яшчэ раз даказалі, што здароўе - гэта клопат не толькі медыкаў, але і кожнага з нас. Без фізічнай актыўнасці, заняткаў спортам не будзе здаровых дзяцей, людзей, здаровай нацыі ў цэлым. Сабрацца ў свой вольны час разам і правесці яго, займаючыся спартыўнымі практыкаваннямі і гульнямі, - што яшчэ больш трэба для ўмацавання свайго здароўя і падтрымання здаровага ладу жыцця.

З 14 снежня па 14 студзеня 2022 г. у Рэспубліцы Беларусь праходзіла дабрачынная акцыя «Нашы дзеці». У рамках гэтага вельмі важнага мерапрыемства дарослыя і дзеці ўдзельнічалі ў шматлікіх цікавых, патрэбных і карысных справах. Завяршылася шматдзённая акцыя 14 студзеня. Традыцыйна гэты дзень у нас называецца «Калядныя сустрэчы». Мы заўсёды клічам гасцей. На гэты раз у нас пабывалі нашы бацькі, навучэнцы і педагогі Арэшніцкага дзіцячага сада – базавай школы Клецкага раёна, прадстаўнікі Клецкага СПЛ.

Пачалося свята КВЗ ад старшакласнікаў «Цуды на Стары Новы год». Затым перад прысутнымі выступілі нашы калядоўшчыкі з народнымі песнямі, жартамі. А потым усіх паклікаў кірмаш, які праходзіў пад дэвізам «У Год народнага адзінства, ідзем дарогамі дабра». Кірмаш быў дабрачынным - усе атрыманыя грошы будуць пералічаны ў Беларускі Дзіцячы фонд. 

Па выніках дабрачыннага кірмашу вучні 11 класа знялі і зрабілі фільм, які адправілі для ўдзелу ў раённым конкурсе школьных праграм навін “Навіны+”.

24 снежня вучні 5-7 класаў прынялі ўдзел у медыягадзіне “Ганаруся сваёй малой радзімай”. Мерапрыемства прайшло ў Галынкаўскай інтэграванай  бібліятэцы. Рабяты гаварылі аб сваіх каранях, аб месцы, дзе яны нарадзіліся і дзе назаўсёды застанецца часцінка іх душы. Хлопчыкі і дзяўчынкі тлумачылі значэнне паняцця “малая радзіма”, удзельнічалі ў конкурсе “Радня”, віктарыне “Гісторыя Клеччыны”, глядзелі відэаролік аб дасягненнях нашага Клецкага раёна. Вучні прыйшлі да высновы, што гісторыю сваёй краіны, свайго роду павінен ведаць кожны паважаючы сябе чалавек, кожны грамадзянін Беларусі.

З мэтай фарміравання павагі да культурна-гістарычнай спадчыны беларускага народа і ў рамках рэалізацыі адукацыйных экскурсій па вучэбных прадметах 2 снежня навучэнцы і педагогі наведалі Мемарыяльны комплекс «Брэсцкая крэпасць-герой».

 Брэсцкая крэпасць - па-сапраўднаму вялікае месца, абвеянае воінскай славай. У нас у краіне цяжка адшукаць мемарыял, роўны Брэсцкай крэпасці па значнасці, канцэнтрацыі гераізму і мужнасці, любові да Радзімы, а словы абаронцаў крэпасці, якія яны пакінулі на аплаўленых сценах, загінуўшы за сваю краіну, неацэнныя для ўсіх жыхароў Беларусі. Рабяты з вялікай цікавасцю слухалі расказ экскурсавода, ушанавалі памяць загінуўшых хвілінай маўчання ля Вечнага агню. Мы павінны памятаць іх подзвіг, каб такое не паўтарылася, памятаць, каб расказаць нашчадкам, памятаць, каб жыць…

25 лістапада ў рамках Тыдня лінгвістыкі для вучняў 8-9,11 класаў прайшла інтэлектуальная гульня "Жыві і цэльнасці шукай" да 130-годдзя М.Багдановіча. Вучні прагледзелі відэафільм пра паэта, а затым падзяліліся на 2 каманды "Паэты" і "Празаікі" і паказалі свае веды ў віктарыне"Біяграфія паэта", "Паэтычнай віктарыне", якая складалася з 4 тураў, і ў "Музычнай віктарыне". Напрыканцы мерапрыемства вучні прыйшлі да вываду, што, дзякуючы жыццесцвярджальнай інтанацыі творы паэта,як зоркі, будуць яшчэ доўга асвятляць шлях людзей, якія імкнуцца да паўнаты жыцця, хараства і прыгажосці.

9 кастрычніка 2021 года ў рамках XI педагагічнага марафону прайшоў Адзіны шосты школьны дзень “У адзінстве сіла Беларусі”. Навучэнцы 4-5 класаў прынялі ўдзел у краязнаўчым падарожжы “З малой радзімы маёй пачынаецца Беларусь”.

Вучні 4-5 класаў прынялі ўдзел у краязнаўчым падарожжы “З малой радзімы маёй пачынаецца Беларусь”. Падарожжа прайшло ў форме гульні, у якой удзельнічалі дзве каманды “Буслікі” і “Жаўрукі”. Рабяты гаварылі пра гісторыю і дасягненні роднай вёскі і Беларусі, складалі прыказкі пра Радзіму і тлумачылі іх значэнне. Увазе навучэнцаў быў прапанаваны відэафільм пра сваю малую радзіму - Клецкім раёне. Дзеці разважалі, што павінен зрабіць кожны чалавек, каб захаваць каштоўнасці, што ёсць у Беларусі, каб быў мір на зямлі роднай краіны. Мерапрыемства садзейнічала актуалізацыі ведаў пра Беларусь і малую радзіму, выхаванню пачуцця гонару і годнасці за прыналежнасць да беларускага народа, развіццю цікавасці да гісторыі і культуры нашай Радзімы, стымулявала жаданне вучняў стаць неабходнымі сваёй краіне. Пераможцам былі ўручаны дыпломы.

Настаўнік беларускай мовы і літаратуры Булат Зоя Аляксееўна запрасіла навучэнцаў 6-8 класаў на клубную гадзіну “Давайце ганарыцца, што мы беларусы”. Гутарка ішла аб афіцыйнай сімволіцы Рэспублікі Беларусь і неафіцыйных сімвалах беларускага краю. На працягу ўсяго мерапрыемства гучалі вершы і песні на роднай мове. Навучэнцы паказалі свае веды ў віктарыне па раздзелах “Гісторыка - культурная спадчына Беларусі”, “Блакітныя каралі Беларусі”. Скончылася мерапрыемства выдатнымі радкамі:

О, Беларусь! Старонка дарагая,

Мне без цябе – як дрэву без вады.

Хоць непрыкметнай птушкай твайго гаю, -

А бы з табой… Навекі, назаўжды.

17 верасня - важная дата ў нашай гісторыі. І асэнсаванне тых падзей, фарміраванне ўмення прасочваць сувязь гісторыі і сучаснасці з’яўляюцца найважнейшымі задачамі выхавання і адукацыі моладзі. Сёння ў рамках святкавання Дня народнага адзінства ў нашай установе адукацыі прайшоў аўтапрабег “Па гістарычных мясцінах малой радзімы”.

У аўтапрабегу прынялі ўдзел выхаванцы дашкольнай групы, вучні 1-2,4-9,11классов, педагогі. Асноўная мэта дадзенага мерапрыемства- фарміраванне грамадзянскасці і патрыятызму, нацыянальнай самасвядомасці. Помнікі архітэктуры, якія ёсць на тэрыторыі Галынкаўскага сельскага Савета - гэта тварэнне дойлідаў, якія складаюць частку культурнай спадчыны нашай краіны, нашай малой радзімы. Кожны з іх мае сваю гісторыю, цесна звязаную з гісторыяй краю. Удзельнікі аўтапрабегу яшчэ раз змаглі ў гэтым пераканацца, наведаўшы фрагменты сядзібы Вендорфаў ў аг. Галынка, памятны знак на месцы, дзе чакалі салдат, якія не вярнуліся з войнаў 1905 і 1914 гадоў у аг.Галынка, вятрак ў в. Шэйкі, помнікі на магілах партызан, пахаваных у брацкіх магілах у аг. Галынка, в..Машукі, помнік загінулым землякам у аг.Карацк.

Дзень народнага адзінства – дзяржаўнае свята, якое ўпершыню адзначаецца 17 верасня. Гэты дзень стаў актам гістарычнай справядлівасці ў адносінах да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Бягучы тыдзень будзе насычаны разнастайнымі мерапрыемствамі, акцыямі. У рамках правядзення Дня народнага адзінства 13 верасня 2021 года ў нашай установе адукацыі прайшлі тэматычныя інфармацыйныя гадзіны “У адзінстве –сіла”. Вучні 1-2, 4-9, 11 класаў яшчэ раз абмяркавалі паняцце «народнае адзінства», гаварылі аб згуртаванасці, салідарнасці і паразуменні беларусаў, аб’яднаных гісторыяй, традыцыямі, культурай і агульным духам павагі і роўнасці, аб тым, што мы павінны заставацца нацыяй і быць часткай адзінства з іншымі народамі.

Патрыятычнае выхаванне з'яўляюцца адным з найважнейшых напрамкаў выхаваўчай працы ў ДУА «Галынкаўскі вучэбна-педагагічны комплекс дзіцячы сад-сярэдняя школа Клецкага раёна», асноўнай мэтай якога з'яўляецца прывіццё навучэнцам любові да Радзімы, далучэнне іх да сацыяльных каштоўнасцяў - патрыятызму, грамадзянскасці, гістарычнай памяці, абавязку , фарміраванне асновы нацыянальнай самасвядомасці.

Для рэалізацыі гэтых мэтаў ва ўстанове адукацыі ў летні перыяд праведзены шэраг мерапрыемстваў патрыятычнай накіраванасці.

Змена ў аздараўленчым лагеры з дзённым знаходжаннем «Шторм» пачалася з урачыстай арганізацыйнай лінейкі «Нашы сімвалы - наш гонар», падчас якой выхаванцы ўспомнілі пра асноўныя дзяржаўныя сімвалы - Сцяг, Герб, Гімн, даведаліся аб сімвалічным значэнні іх элементаў. Мерапрыемства завяршылася сумесным выкананнем гімна Рэспублікі Беларусь.

3 чэрвеня ў рамках інфармацыйна-адукацыйнага праекта «Школа Актыўнага Грамадзяніна» выхаванцы лагера «Шторм» прынялі ўдзел у інфарм-дайджэсце «Нам Радзіма падарыла шчаслівае дзяцінства». Ганаровай госцяй мерапрыемства стала кіруючая справамі Галынкаўскага сельвыканкама Шылко Марына Іванаўна, якая расказала дзецям пра тое, што робіць дзяржава для шчаслівага дзяцінства сваіх юных грамадзян.

1 ліпеня 2021 года ў рамках адзінага дня інфармавання «ШАГ - Школа Актыўнага Грамадзяніна» выхаванцы аздараўленчага лагера з кругласутачным знаходжаннем «Вандроўнікі» Галынкаўскага дзіцячага сада - сярэдняй школы Клецкага раёна прынялі ўдзел у адкрытым дыялогу па тэме «Незалежная і квітнеючая Беларусь. Мы зрабілі гэта разам». У ходзе рэалізацыі ШАГа 1 увазе рабят былі прадстаўлены відэаматэрыялы праекта «Зроблена», з якіх дзеці даведаліся пра этапы станаўлення суверэннай Беларусі, выніках і дасягненнях нашага народа.

За ШАГ 2 дзяўчынкі і хлопчыкі, пачалi абмяркоўваць атрыманую інфармацыю. Кожны ўдзельнік адкрытага дыялогу выказаў сваё бачанне сучаснай Беларусі.

Актыўны ўдзел у абмеркаванні тэмы прыняла ганаровая госця мерапрыемствы, Булат Зоя Аляксееўна, старшыня першаснай прафсаюзнай арганізацыі, дэпутат Клецкага раённага савета дэпутатаў па Галынкаўскаму выбарчым участку. Яна распавяла дзецям пра тое, які ўклад у развіццё і росквіт Беларусі ўносяць жыхары нашага сельскага савета і Клецкага раёна.

У ходзе рэалізацыі ШАГа 3 былі падведзены вынікі сустрэчы, кожны ўдзельнік дыялогу выказаўся пра актуальнасць праведзенай размовы.

Вялікая ўвага на працягу ўсёй летняй аздараўленчай кампаніі надавалася рэалізацыі акцыі «Беларусь у сваім сэрцы». Задачы асветніцкага характару вырашаліся ў ходзе пазнавальнай гульні «Жыву ў Беларусі, тым ганаруся», віктарыны «Што? Дзе? Калі? на беларускай зямлі», забаўляльнай програмы «Наша хата ўцехамі багата». Рабяты не раз рабілі калажы з прыроднага матэрыялу, малявалі малюнкі на тэму «Сімвалы маёй Радзімы», «Старонка родная траўня», «Мая краіна - мой гонар», творча выказвалі любоў да сваёй Радзімы.

Ні для каго не сакрэт, што самае чаканая справа ў лагеры - гэта паходы. Без падарожжаў не абыходзіўся ні адзін дзень выхаванцаў аздараўленчага лагеры з кругласутачным знаходжаннем «Вандроўнікі». Рабяты здзейснілі займальныя пешыя экскурсіі ў Галынкаўскае лясніцтва, пабывалі на пажарным аварыйна-выратавальным пасце №11, наведалі былую сядзібу Вендорфов, сталі ўдзельнікамі велапрабегу «Па дарогах малой радзімы», зрабілі памятныя сэлфі на фоне ветрака 19 стагоддзя.

У рамках рэспубліканскай патрыятычнай акцыі «Роднае - народнае» выхаванцы аздараўленчых лагераў наведалі музейную экспазіцыю «Беларуская хатка». Хлопцы і дзяўчаты  даведаліся, як жылі нашы продкі, убачылі прадметы побыту, якія атачалі нашых продкаў у паўсядзённым жыцці. Такое падарожжа ў далёкае мінулае нашай краіны нікога не пакінула раўнадушным.

Вельмі займальнай і пазнавальнай была квэст - гульня «Ці ведаеш ты Беларусь?», у якой прынялі ўдзел выхаванцы аздараўленчага лагера з кругласутачным знаходжаннем «Вандроўнікі». Пабываўшы на станцыях «Песняры», «Культурная спадчына», «Дзяржава і яго сімвалы», «Крок у будучыню», «Зямля пад белымі крыламі», рабяты пашырылі свае веды пра гістарычнае мінулае нашай Радзімы, традыцыях беларускага народа, асаблівасцях жывёльнага і расліннага свету Беларусі.