Восьмы дзень у профільным аздараўленчым лагеры "ШТОРМ"

У восьмы дзень выхаванцы профільнага аздараўленчага лагера “ШТОРМ” прынялі ўдзел у рэспубліканскім экскурсійным марафоне “Дзіцячы аўтацягнік”. Дзеці наведалі ветраную мельніцу - помнік народнага драўлянага дойлідства ў в. Шайкі, фрагменты сядзібна-паркавага комплексу «Галынка» - капліцу і галубятню, якія ўключаны ў Дзяржаўны спіс гісторыка-культурных каштоўнасцей Рэспублікі Беларусь, царкву святых апосталаў Пятра і Паўла. Рабяты таксама прынялі ўдзел у прафарыентацыйным мерапрыемстве “Выбар прафесіі- справа сур’ёзная” і наведалі з экскурсіяй ІП “Маеўскі”. Спартландыя “У адзінстве сіла” спрыяла фарміраванню здаровага ладу жыцця і падарыла шмат станоўчых эмоцый яе ўдзельнікам. Завяршыўся дзень танцавальна-гульнявой праграмай “МультиЛето разного цвета».