ШАГ для вучняў VIII – IX класаў па тэме «Гонар за Беларусь. Навука і інавацыі - сучаснасць і будучыня нашай эканомікі»
26.01.202326 студзеня 2023 г. у рамках інфармацыйна-адукацыйнага праекту «Школа Актыўнага Грамадзяніна» для вучняў VIII – IX класаў прайшоў адкрыты дыялог па тэме «Гонар за Беларусь. Навука і інавацыі - сучаснасць і будучыня нашай эканомікі» (дасягненні ў навукова-тэхнічнай дзейнасці, інавацыйным і тэхналагічным развіцці). Госцем мерапрыемства стала інспектар Галынкаўскага сельвыканкама Бушыла Святлана Іванаўна.
У ШАГ 1 класны кіраўнік 8 класа Бобка Сафія Іванаўна пазнаёміла навучэнцаў са зместам інфармацыйных блокаў: «Дасягненні вучоных - важны драйвер эканамічнага развіцця Рэспублікі Беларусь», «Моладзь Беларусі - магчымасці для самарэалізацыі», «Нацыянальны дзіцячы тэхнапарк - інвестыцыі ў будучыню».
У ШАГ 2 прысутныя гаварылі аб вядомых беларускіх вучоных, якія ўнеслі ўклад у сусветную навуку, аб яе дасягненнях, перспектыўных напрамках развіцця эканомікі Беларусі, якія знаходзяцца ў цэнтры ўвагі беларускіх вучоных.
У блоку «Моладзь Беларусі - магчымасці для самарэалізацыі» размова ішла аб магчымасцях, якія прадастаўляюць установы адукацыі для задавальнення творчых здольнасцей вучняў школ, студэнтаў, іх навуковых інтарэсаў, аб умовах, створаных у Рэспубліцы Беларусь для падтрымкі таленавітай моладзі. У рамках гэтага блока госць мерапрыемства ўручыла навучэнцам 8 класа, якія дасягнулі 14-гадовага ўзросту падарункавае выданне «Я - грамадзянін Рэспублікі Беларусь».
У блоку «Нацыянальны дзіцячы тэхнапарк - інвестыцыі ў будучыню» Бобка С.І. прапанавала паглядзець відэасюжэт «Адукацыйныя праграмы дзіцячага тэхнапарку» і расказала аб магчымасцях задавальнення творчых, даследчых інтарэсаў навучэнцаў, якія адкрывае дзіцячы тэхнапарк.
У канцы мерапрыемства ўсе прысутныя зрабілі вывад аб актуальнасці і важнасці тэмы размовы, абмеркавалі навошта і для чаго чалавеку патрэбны веды.