ШАГ «Гонар за Беларусь. Чыстае навакольнае асяроддзе - ключ да здаровага жыцця» (аб захаванні біяразнастайнасці, дасягненнях у галіне захавання экалагічна чыстага навакольнага асяроддзя)

24 сакавіка 2022 года ў рамках інфармацыйна-адукацыйнага праекта «Школа Актыўнага Грамадзяніна" для навучэнцаў VIII - IX, XI класаў быў праведзены адкрыты дыялог па тэме «Гонар за Беларусь. Чыстае навакольнае асяроддзе - ключ да здаровага жыцця» (аб захаванні біяразнастайнасці, дасягненнях у галіне захавання экалагічна чыстага навакольнага асяроддзя). Госцем мерапрыемства стаў ляснічы Галынкаўскага лясніцтва Мелехавец Анатоль Уладзіміравіч.

У ШАГ 1 адказная за выхаваўчую работу Карпіевіч Вольга Юльянаўна пазнаёміла навучэнцаў са зместам інфармацыйных блокаў: «Захаванне спрыяльнага навакольнага асяроддзя – прыярытэт Нацыянальнай стратэгіі ўстойлівага сацыяльна-эканамічнага развіцця Рэспублікі Беларусь»; «Зямля - ​​наш дом. Няхай будзе чыста і ўтульна ў ім».

У ШАГ 2 прысутныя гаварылі аб захаванні спрыяльнага навакольнага асяроддзя і рацыянальным выкарыстанні прыродных рэсурсаў, аб ролі ў жыцці чалавека прыроды, аб асноўных прычынах сучаснага глабальнага экалагічнага крызісу. Анатоль Уладзіміравіч расказаў аб прыродаахоўных мерапрыемствах, якія ажыццяўляюцца ў нашай краіне, аб захаванні біяразнастайнасці, пашырэнні сеткі ахоўных тэрыторый.

У канцы мерапрыемства ўсе прысутныя зрабілі вывад аб актуальнасці тэмы размовы, аб непасрэдным удзеле школьнікаў у розных рэспубліканскіх конкурсах па гэтай тэматыцы.