У аздараўленчым лагеры «Вандроўнікі» няма калі сумаваць!

З раніцы  юных вандроўнікаў, як заўсёды, чакалі цікавыя і вясёлыя мерапрыемствы. Раніца, як звычайна, пачалася з карыснай зарадкі на свежым паветры і смачнага сняданку, які надаў хлопчыкам і дзяўчынкам моцы на далейшыя прыгоды. Пасля пазнавальнай хвілінкі бяспекі, з якой рабяты даведаліся пра правілы паводзін пры навальніцы, вандроўнікі адправіліся на экскурсію да брацкай магілы савецкіх воінаў і партызан у аграгарадку Галынка.

Пасля абеду хлопчыкаў і дзяўчынак чакала спартыўная гульня-эстафета “Хто хутчэй?” Лёгка спраўляючыся з разнастайнымі заданнямі і эстафетамі, рабяты паказалі, што, нягледзячы на ​​свой юны ўзрост, яны - мэтанакіраваныя, арганізаваныя і сабраныя, рухомыя і знаходлівыя, выдатна ўмеюць працаваць у камандзе і падтрымліваць адзін аднаго. Спартыўная праграма атрымалася захапляльнай, пакінула масу станоўчых эмоцый і ўражанняў.

Завяршыўся гэты багаты на ўражанні  і прыгоды дзень дыскатэкай і пакінуў пасля сябе ў рабят мноства станоўчых эмоцый.